| Itoobiya oo dhameystireysa dhismaha baalasha korontada gaadhsiin doona Jabuuti |
Addis Ababa, 28-Jul-2010 - Dowladda dhexe Itoobiya ayaa shaacisay inuu gabogabo ku dhaw yahay dhismaha baalasha korontada gaadhsiin doona dalka Jabuuti, taasoo Itoobiya u fududeyn doonto inay Jabuuti ka iibiso koronto.
Warkan oo ka soo baxay xafiiska Xoogga Korontada ee Itoobiya (EEPCo) ayaa intaa ku daraya inay dowladda Itoobiya wado dhismayaasha baalal kale oo korontada gaadhsiin doona dalalka Sudan iyo Kenya.
Dalka Itoobiya ayaa la filayaa inuu sanadka soo socdo koronto beec ah gaadhsiiyo dalalka Sudan, Kenya iyo Jabuuti.
Dhismaha baalasha korontada qaadaya ee ay dhisayso dowladda Itoobiya ayaa waxaa maalgalinaya Bangiga Aduunkla.
Guud ahaan dalalka dariska la ah dalka Itoobiya ayaa kal hore saxiixay inay koronto ka soo dhoofsan doonaan dalka Itoobiya
Caalamka ayaa maalinba maalinta ka danbeyso waxaa sii caddaaneysa micno-darada xadka qeybiya dalalka. Talaabada koronto ay Itoobiya ugu gudbineyso dalalka dariska ah ayaa door wacan ka cayaari doona isu soo dhawaanshaha dalalka gobolka, iyo in mustaqbalka meesha laga saaro xuduudaha oonan faa'iido u laheyn horumarka iyo iskaashiga gobolka.
wabishabeele.com |
|
