| Madaxweyne Cabdi Maxamed Cumar oo wali wada qaabilitaanka xubno kasocda Jaalliyaadka Dibadda |
Jigjiga, 25-Jul-2010- Illaa iyo maalintii la doortay Madaxweyne Cabdi Maxamed Cumar waxaa si aan kala joogsi lahayn Wabishabeele qeybtiisa warqabadka ugu soo dhacaya tahniyado, dardaaran iyo tilmaamo loo dirayo madaxweynaha cusub oo aanan dhamaantood soo daabici karin.
Sidoo kale waxaa deegaanka Ismaamulka Soomaalida kusii qul-qulaya aqoonyahano iyo masuuliyiin kala gedisan oo kamid ah jaalliyadka kudhaqan dalka dibadiisa, oo aysan qaarkood dalka arag muddo aad udheer.
Qurbo joogta kasoo jeeda deegaanka ayaa aad u tira badan, kana soo daalay dacaayadaha iyo warxumo tashiilada dibadaha wareegaya ee kasoo horjeeda horumarka iyo nabadeynta deegaanka. Diyaar garoowga Jaalliyaadka ayaa waxa saldhigiisu yahay, ka qeyb qaadashada horumarka deegaanka, taageerida ururada nabadda qaatay ee UWSLF & ONLF iyo waliba difaacida iyo sii dhiiri-gelinta siyaasadda cusub ee Dawlad Deegaaneedka Soomaalida Ethiopia, oo durbaba qaaday talaabooyin muhiim ah oo aan looga baranin Maamuladii hore ee soo maray Ismaamulka Soomalida.
Maalmo kahor ayay ahayd markii uu madaxweynaha Ismaamulka Soomaalida mudane Cabdi Maxamed Cumar uu balan qaaday in si xoog leh ula shaqeen doono jaalliyaadka dibadda, islamarkaasna uu qiray muhiimada iyo waxtarka ay Qurba-joogto kusoo biirin karaan horumarka, Nabadeynta iyo wacyi gelinta deegaanka. Hadaladan dhiiri gelinta ah iyo kuwo lamid ah ayuu Mudane Cabdi ka jeediyay goob uu kulan soo dhaweyn ah kula yeeshay Eng Cabdirashiid Xuseen Dayib iyo Axmed Cabdi oo labaduba kasocday Jaalliyaadka Soomaalida Ethiopia ee kajira Dalka Britain.
Wabishabeele |
|
