| Musaveni: Soomaaliya Kama jirto Dowlad Taag leh, Wadaniyad & Midnimo toona |
Kampala, 25-Jul-2010 - Shirka Madaxda qaaradda Afrika ee ka socda magaalo madaxda dalka Ugandha ee Kampala ayaa furitaankisii waxaa hadallo ka jeediyay m/weynaha Ugandha Yuweeri Musaveni, oo ka hadlay kooxda Alshabaab ee Soomaaliya oo siduu sheegay helis ku haya geeska Africa.
Masuuliyiinta halkan fadhiya waxaan u sheegayaa sidan "In Soomaaliya aan loo deyn karin ururada argigixasada ee caalamka iska soo uruursadey, loona baahan yahay inaan qaadno talaabo degdeg ah oo aan kaga xaaqeeno sharwadayaasha iska soo abaabulay bariga dhexe". Sidoo kale madexweyne Musaveni waxuu intaas kudaray "Soomaaliya waxaa jooga dawlad kala qeybsan oo aad u taag daran, Soomaalidana kama heyno dad wadaniyiin ah oo aan taageero, kuwasoo sameeya ururo dib uga xoreeya Alqaacida dalka soomaaliya".
Masuuliyiinta kale ee shirka lagu marti qaaday waxaa kamid ahaa Raisul wasaarihii hore dalka Britain Gordan Brown oo shalay khudbad horudhac ka jeediyay taasoo kusheegay inuu soo marti qaaday saaxiibkii Males Zenaawi Raisul Wasaaraha Ethiopia oo uu sheegay inay wada qabteen hawlo badan oo Africa iyo caalamka waxtar u leh, walina uu diyaar u yahay inuu la shaqeeyo.
" Qarnigii 20aad ee tagay dadka Afrikaanku waxay ku faani jireen, waxaan jabinay oo aan ka xorownay gumaystihii reer Yurub ee xooga badnaa, waxaan nahay geesiyaal leh halyeeyo. Laakiin maanta waxaa looga baahan yahay inay hormuud unoqdaan arimaha horumarka caalamka oo uu qaranigaan 21aad noqdo kii Afrika hogaanka aduunka ay qaban laheyd" sidaas waxaa yiri Gordon Brown
Sidoo kale waxaa joogo shirka wafti ballaran oo uu hogaaminiyo Eric Holder oo ah Qareenka Guud ee Dalka Mareykanka iyo xubno sarsare oo sidoonka iyo Wasaaradda Aimaha Dibadda Dawladda Mareykanka iyo waliba EU.
Maanta ayaa lafilayaa in shirka laga soo saaro go,aano degdeg ah oo khuseeya sidii xal loogu heli lahaa dalka Soomaaliya ee dagaaladu aafeeyeen.
wabishabeele.com |
|
