| Dabaylo xoog badan oo ka dhacaya magaalada Godey |
Godey, 24-Jul-2010 - Dabaylo xoogan oo carro wata, socdayna labadii todobaad ee lasoo dhaafay, ayaa si xoog leh uga socda gudaha iyo hareeraha magaalada Godey. Dabaylahan ayaa waxay sababayaan mararka qaar inay joogsadan isu socdkii dadka iyo gadiidka magaalada dhexdeeda iyo waliba kuwa u kala gosha magaalada iyo deegaannada kale ee gobalka.
Dad shacab ah oo wabishabeele.com la hadlay ayaa u sheegay inay adag tahay in xiliyada qaar dadku banaanka u soo baxo, wax araga oo aad u liita iyo halis dhanka caafimaadka ah oo caradu keeni karto darteed.
"Adeer waayeel ayaan ku gaaray degmada Godey waligayna ma arag dabayshan sidata carradan xoogaas leh mid lamid ah waligeedna kama dhicin Godey" ayuu yiri Xaaji Cabdi Rooble oo ka cabanayey dabeyshan.
Magaalada Godey ayaa leh ban aad u weyn, geeduhuna ku yaryihiin, taas iyo xaalufinta dhirta ayaa keentay in markaad qiyaastii 20-25km uga baxdo dhinac walba khaastan (koonfur & waqooyi), aadan ku arkeen geed quman. Xaalufinta dhirta ayaa haddunan maamulka degdeg uga hortagin sababi doonta nabaad-guur baahsan.
wabishabeele.com |
|
